هام : شرح لنظام المنتدى الجديد قى طريقه القتال وكل شئ

بسم الله الرحمن الرحيم

هنبتدى الشرح من الاول واحده واحده
اهم حاجه عشان تبقى نينجا تملا بطاقتك الشخصيه فى هذا الموضوع
ترد فى نفس الموضوع وتملا بياناتك
ايه نظام القتال الجديد ده؟
(هو انك مش هتقاتل بعشوائيه او بهرجله لا لازم يكون فى نظام اهم حاجه ان موضوع القتال يبقى منظم يعنى كل رد فى صده وهجمه
مش اهاجم ميه هجمه وخلاص لا تقنيتين فى كل رد واحده للدفاع والتانيه للهجوم ولازم تقون التقنيات منسقه يعنى مش انقل وخلاص
ميبقاش فيها الوان غريبه تخلى اللى بيقرا يتعمى او كمه سايز لازم تكون منسقه)
المهم النظام الجديد بتاعنا هيبقى كالاتى
انت هتبتدى كنينجا عادى دون اى تقنيات بس معاك عدد من النقاط فى البدايه 100 نقطه والنقاط تجدها تحت التشاكرا
وبالتالى يكون مستواك D
كل اللى هتعمله فى البدايه انك هتشترى تقنيات واسلحه و حد دم وممكن تملك شارينجن كل ده من المتجر
كل حاجه هيبقى ليها عدد نقاط معين هيتخصم منك مقابل انك تاخد التقنيه او السلاح او ميزه معينه
طبعا مينفعش انك تشترى حاجه نقاطها اعلى من عدد نقاطك لا لازم تنمى تفكيرك وذكائك
وتظبط نفسك على اد احتياجك
طيب ازاى تزيد نقاطك عشان تعرف تشترى اللى انت عايزه؟
ليها عده طرق تم توضيحها من قبل
عن طريق
القتالات:كل قتال هتخشه هتاخد عليه نقط سواء كسبت او خسرت بس اهم حاجه يكون قتالك منظم عشان تاخد النقاط
طريقه طلب التحدى الجديده انك هتبعت للمسؤل عن القتالات رساله تطلب فيها تحدى وهو هيبعت رساله للى انت
طالب تتحداه لو وافق ينشئ المسؤل عن القتالات موضوع القتال بينكم
طريقه كسب النقات من القتال:
لو كان القتال مع نينجا مستوى D فى حاله الفوز تاخد 30 نقطه هزيمه 0 نقاط
لو كان القتال مع نينجا مستوى C فى حاله الفوز تاخد 60 نقطه هزيمه 5 نقطه
لو كان القتال مع نينجا مستوى B فى حاله الفوز تاخد 90 نقطه هزيمه 15 نقطه
لو كان القتال مع نينجا مستوى A فى حاله الفوز تاخد 120 نقطه هزيمه 20 نقطه
لو كان القتال مع نينجا مستوى S فى حاله الفوز تاخد 150 نقطه هزيمه 25 نقطه
طيب ازاى انتقل من مستوى D لمستويات اعلى؟
هى هياها بزياده النقاط
يعنى عشان تنتقل للمستوى C لازم توصل 500 نقطه
وللمستوى B لازم توصل 1500 نقطه
وللمستوى A لازم توصل 3000 نقطه
وللمستوى S لازم توصل 5000 نقطه
ايه الطرق التانيه اللى تكسب بيها نقاط غير القتالات؟
التدريب : ازاى عدد نقاطك يزيد فى التدريب؟
عن طريق مستوى الشخص اللى هيدربك يعنى
لو مستوى المدرب D تاخد 10 نقاط عند اتمام التدريب
لو مستوى المدرب C تاخد 20 نقطه عند اتمام التدريب
لو مستوى المدرب B تاخد 60 نقطه عند اتمام التدريب
لو مستوى المدرب A تاخد 80 نقطه عند اتمام التدريب
لو مستوى المدرب S تاخد 100 نقطه عند اتمام التدريب
طيب ازاى هيتم موضوع التدريب
انت هتطلب من اى نينجا انه يدربك وهو ليه الحق انه يوافق او يرفض لان هو كمان هيستفيد
ازاى؟
لو مستوى الطالب D المدرب بياخد 5 نقاط
\\ \\ \\ \\ \\ \\ \\ \ C المدرب بياخد 10 نقاط
\\ \\ \\ \\ \\ \\ \\ \ B المدرب بياخد 30 نقطه
\\ \\ \\ \\ \\ \\ \\ \ A المدرب بياخد 40 نقطه
\\ \\ \\ \\ \\ \\ \\ \ S المدرب بياخد 50 نقطه
التدريب هيكون كالاتى:
المستوى D يمكنه التدريب 3 مرات فى اليوم سواء كان مدرب او طالب
المستوى C يمكنه التدريب 2 مرتين فى اليوم \\ \\ \\ \\ \\ \\ \\ \\ \\ \\
المستوى B يمكنه التدريب 1 مره فى اليوم \\ \\ \\ \\ \\ \\ \\ \\ \\ \\
المستوى A يمكنه التدريب 1 مره فى 2 اليومين \\\ \\ \\ \\ \\ \\\ \\\
المستوى S يمكنه التدريب 1 مره فى 3 ايام \\\ \\ \\ \\ \\\ \\\ \\ \\\
طيب لو اتفق الطالب والمدرب التدريب هيكون ازاى؟
ان المدرب هيعمل موضوع خاص لتدريب الطالب فقط فى قريته(لا يدخله سواهم ولا حد يقولهم بالتوفيق ولا شكرا)
المدرب لازم يستخدم تقنيات فى مستواه او اعلى يعنى مينفعش اقل بس التقنيات دى من اللى اشراها من المتجر
التدريب هيبقى تدريب حقيقى
يعنى المدرب هيشرح للطالب امتى يستخدم التقنيه دى
لو كانت صد امتى يصد بيها لو العدو هاجم بايه ولو كانت هجوم امتى يهاجم بيها لو العدو استفذ الصده الوحيده ليها وكده
لاز كل واحد يستخدم ذكائه الخاص ولما يشرحله يبدا يطبق معاه بقتال صغير ولازم يشرحله فى الاول وبع كده قتال صغير
وكده يبقى التدريب تم ويقوم المدرب بارسال تقرير للمسؤل عن القتالات بان التدريب تم لزياده النقاط
الطريقه التانيه لزياده النقاط
المهمات:
المهمات هتم من خلال الكاجى او الزعيم الخاص بقريتك و منظمتك
وطريقتها كالاتى
هيبقى فى موضوعين واحد خاص لطلب المهمات من النينجا
والثانى خاص لاصدار المهمه
الاول هيتم فيه ان النينجا يطلب مهمه و يرد فيه الكاجى او الزعيم بالموافقه او الفض لانه ايضا هيستفيد
الثانى هيكون فيه اصدار المهمه الكاجى او الزعيم هيكتب فيه المهمه عن طريق استماره وهى كالاتى
استماره تكوين المهمه التي يصدرها طالب المهمه
مستوى المهمه: D , C , B , A , S
الاسم: اسم النينجا اللى هينفذ المهمه
الرتبه: رتبه النينجا اللى هينفذ المهمه الرتبه اللى تحت اسمه اللى المنتدى عاملهاله
المده المتاحه للمهمه: مده اتمام المهمه
وصف المهمه: شرح للمهمه المطلوبه سواء اجلاب تقارير او معلومات عن شخص او المدن الاخرى او قتال
الهدف النهائي من المهمه: هدف المهمه
المكافاءه: عدد النقاط اللى هيكسبه وده حسب المستوى و اى مكافئات اخرى
الاستماره دى هامه لتنظيم اعطاء المهمات دونها لايتم اعتماد المهمه
طيب ازاى يكون نظام التدريب؟
اذا كان النينجا مستواه D مهماته تكون مستواها D او C وهى اجلاب تقارير او معلومات او مهمه C استطلاع عن نينجا او مدينه او منظمه
اذا كان النينجا مستواه C مهماته تكون مستواها D , C ,B وهى زى السابقه عدى مستوى B وهو قتال مع نينجا مستوى D ,C
سواء كان فى حاله حرب او غيرها.
اذا كان النينجا مستواه B مهماته تكون مستواها D,C,B,A وهى زياده على ما سبق قتال نينجا من مستوى D,C,B
اذا كان النينجا مستواه A مهماته تكون مستواها D,C,B,A وهى كما سبق زياده فقط قتال نينجا من مستوى A
اذا كان النينجا مستواه S مهماته تكون مستواها D,C,B,A,S وهى كل ما سبق زيده قتال نينجا من مستوى S
فى حاله الحرب طبعا
طريقه طلب الحرب تتم بالاتفاق مع مسؤل القتالات سرا.
(وطبعا الكاجى يمكنه القتال فى الحرب مع اى مستوى)
الاستفاد فى النقاط من المهمات؟
اولا بانسبه للنينجا:
اذا كان مستوى المهمه D,C ياخذ 20 نقطه وللنينجا 4 مهمات كحد اقصى فى اليوم من هذا المستوى
اذا كان مستوى المهمه B,A,S ياخد نقاط حسب النينجا اللى هيقاتله وهو زياده النقاط فى القتالات
ثانيا كيف يستفيد الكاجى؟
اذا كان النينجا مستواه D ياخد 20 نقطه
اذا كان النينجا مستواه C ياخد 40 نقطه
اذا كان النينجا مستواه B ياخد 80 نقطه
اذا كان النينجا مستواه A ياخد 100 نقطه
اذا كان النينجا مستواه S ياخد 120 نقطه
ملحوظه : المهمات جزء اساسى من عمل الكاجى ويتم تقيمه بها يعنى الكاجى يعين لاصدار المهمات لو ماهتمش بيها يتم تنحيه
وتوليه كاجى اخر بالتصويت
يقوم الكاجى بارسال تقارير يوميه عن المهمات التى تمت للمسؤل عن القتالات او الاداره لنقوم بزياده النقاط
ملحوظه يجب على كل مسؤل سواء كاجى او مدرب بارسال تقارير عن المهمات او التدريب او القتالات للاداره ليتم زياده النقات
وهذا ايضا جزء من عملهم ولا يسمح للاعضاء العادين بارسال رسائل للاداره لزياده النقات
وكده خلص نظام المهمات
طرق اخرى لكسب النقات وهى
المواضيع الجيده و الجديده مثل حلقات الانمى والمانجا وغيرها ومن المواضيع الجديده و يجب ان تكون غير منقوله غير منقوله
ونشاطك فى المنتدى و عدد مرات شكر مواضبعك المميزه يزيد نقاتك وهى فى النقاط التى تزداد اوتوماتيكيا تحت تاريخ التسجيل
خلاص كده تم شرح كيفيه زياده النقاط ومهام كل مسؤل
مثال لطريقه القتال الجديده
اولا انك فى البدايه كما كتبت بتكون بطاقتك الشخصيه
وقبل كل قتال بترسل للاداره او المسؤل عن القتالات رساله فيها الفريق اللى انت اختارته لتستخدم تقنيات النينجا اللى انت اختارتهم
وهذه التقنيات يجب ان تكون التى اشتريتها من المتجر
سيتم شرح ذلك عند افتتاح المتجر بالتفصيل لانه لم يكتمل بعد
هناك شئ مهم حاليا وهو ان المتجر لم ينتهى بعد لذلك
لن تكون طريقه القتال بشراء التقنيات بل ستكون كالاتى وذلك موقتا فقط لحين افتتاح المتجر
انك تختار فريقك الذى ستقاتل بيه ازاى؟
معاك 100 نقطه ملهومش علاقه بنقاتك الاساسيه
ال100 نقطه دول انت هتكون على اساسهم الفريق بتاعك ازاى؟
مثال: انا داخل قتال اعمل ايه ابغت رساله للمسؤل عن القتالات انا او ESPONSER
فيها الفريق اللى انا اختارته وهو
افكر انا معايا 100 نقطه اشوف القايمه بتاعه المقاتلين نظامها ايه
عشان اكون فريق الفريق فيه 3 اعضاء سواء اساسى او احطياتى
طيب عندى جيرايا و ساسورى و كاكوزو و ناروتو ساجا و ديدارا ب 48 نقطه
خلاص اخد منهم جيرايا مثلا
يبقى كده جيرايا ب 48 نقطه يتبقى معايا كااام 100-48=52نقطه
طيب فاضل 2 عشان الفريق الاساسى يكمل يبقى اعمل ايه اخل فى كام واحد احطياتى
طيب اشوف القايمه
اخد اوريتشمارو ب42 نقطه طيب يبقى كده هيتفضل كام 10 نقط
اخد هاكو ب 6 نقاط يبقى كده خلص الفريق الاساسى
الفريق الاحطياتى 3 اعضاء باردوه وانا معايا 4نقاط اعمل ايه
Kin و Pre Sakura و Rin
كل واحجه فيهم بنقطه يبقى كده خلص الفريق
وفريقى مكون من
الاساساى
1-جيرايا
2-اوروتشيمارو
3-هاكو
الفريق الاحطياتى
1-بري ساكورا
2-كاين
3-راين
عند بدايه القتال لو انا اللى هبدأ
هكتب فى ردى هجومى فقط لا غير اسم التقنيه : شرح لتاثيرها
ولو انا التانى ابدا بالصد اسم التقنيه: شرح طريقه صدها
ثم الهجوم اسم التقنيه: شرح لتاثيرها
ويجب ان يكون ذلك منظم دون اخطاء حتى لا تحسب عليك
ايه فايده الفريق الاحطياتى
انك بتستخمد 5 تقنيات فقط لكل نينجا
يعنى جيرايا مثلا استخدم 5 هجوم و 5 صد اخلص الخمس التقنيات المتاحين
اخش على اوروتشيمارووهكذا لذلك اذا كان عدد النينجا 6 فذلك افضل من 3 فقط
وطبعا القتال بيخلص عند الانتهاء من جميع التقنيات المتاحه لل6 اعضاء
يعنى اخلص 5 تقنيات لجيرايا و كذلك اوروتشيمارو حتى اخر عضو فى فريقى
وعندها ينتهى القتال
ومش لما يجيلى مزاجى انهى القتال انهيه وقول كده كده العضو التانى مينفعش يهاجم مرتيت ورا بعض
ولو حصل كده والمقاتل اللى انت بتقاتله مكملش رد وقول ان فريقك مخلصش وانه وقف القتال عند الوقت كذا وتذكر الوقت
طبعا ده هيتضاف لاخطائه
ملحوظه: القتال الحالى لا يعتمد على شراء التقنيات بالنقات لان المتجر لم يتم افتتاحع بعد
ونظام زياده النقاط بكل انواعه شغال عادى فقط لم تنحصر تقنياتك بما تم شرائه من المنتجر لان المتجر لم يتم افتتاحه
ستسخدم التقنيات من دماغك و يجب ان تكون منظمه ومن الانى و المنجا ذلك مؤقتا لحين افتتاح المتجر
واى سؤال لو لستفسار قولوه فى هذا الموضوع
وارجوا من الاعضاء النقاش فى الموضوع واللى مش فاهم (والمفرود الكل يفهم مش عارف ابسط اكتر من كده ايه)
ميردش ويقولى شكرا وهو مش فاهم لا استفسروا عن اى نقطه انتو مش فاهمنها وانا هرد
وارجو من جميع الاعضاء الاهتمام بالموضوع ده لانه هو ده اساس النظام اللى هيمشى عليه المنتدى
انا عارف ان الموضوع طويل اوى والقرائه ممله لبعض الناس
بس الموضوع ضرورى اقرؤه وافهموه جيدا حتا لو قراتوه على اكثر من مره او على جزئين
اهم شى ان الكل يبقى عنده خلفيه عن النظام الجديد ويفهم ازاى يقاتل ويعرف هو ممكن يعمل ايه
الكلام اللى بالاخضر ده بتاع المتجر اللى هيتم تاجيل تنفيذه مؤقتا
وشكرا لكم...,